ILOILO CITY – Napun-an sang kasubo ang pagpatigayon sang misa kadungan sang Dominggo de Ramos.
Mismo si Jaro Archbishop Most Reverend Jose Romeo Lazo, D.D. ang nagpanguna sang 8:00 sa aga nga misa sa Jaro Metropolitan Cathedral nga nabati-an live sa Bombo Radyo Iloilo.
Naglawig sang masobra sa isa ka oras ang ginpatigayon nga misa kun sa diin suno kay Archbishop Lazo, ini ang labing ina niya nga kahigayunan nga magpatigayon sang misa sa simbahan nga wala sang may nagtambong nga deboto.
Ang homily ni Archbishop Lazo ang nagsentro sa ginapangatubang nga krisis tuhoy sa Coronavirus Disease 2019 (COVID-19).
Ang nasambit nga hitabo suno kay Archbishop Lazo ang wala lamang nasanto sa Semana Santa kundi mahimo nga ini ang pagbuot sang Ginuo.
Sa interview sang Bombo Radyo kay Archbishop Lazo, iya ginpahayag nga subong nga Semana Santa, indi lamang ang kamatayon ni Jesus ang dapat nga dumdumon kundi lakip man ang iya nga pagkabanhaw.
Suno kay Archbishop Lazo, kadungan sang Semana Santa, nagakadapat nga ipangamuyo nga ang COVID-19 pandemic ang mauntat sa labing madali nga tion.
Ginpahayag ni Archbishop Lazo nga apisar wala na sang patigayunon nga mass gatherings apang mahimo sa gihapon nga mapadayon ang himpit nga pagtuo paagi sa pagpangamuyo sa balay.
