Nagpasalig ang More Power nga wala sang pagsaka sa power rate sa Probinsya sang Iloilo pananglitan nga madayun na ang expansion sang franchise sang MORE Electric and Power Corporation sa pito ka mga munisipalidad sang 1st District sa probinsya.
Ang mga banwa amo ang Igbaras, Tubungan, Oton, Tigbaun, Guimbal, Miag-ao kag San Joaquin.
Ini base man sa ginfile nga House Bill No. 6292 ni Iloilo 1st District Representative Janette Garin nga nagatuhoy sa pag-expand sang MORE Power sa 1st district.
Sa explanatory note man sang kongresista, ginpahayag sini nga ang bill nagatuyo nga amendahan ang pila ka specific provisions sang Republic Act (RA) No. 11212, as amended by RA No. 11918, nga nagahatag karon sang otoridad sa MORE Power nga mag-operate bilang distribution utility sa Iloilo City kag sa pila ka mga banwa sa 2nd kag 4th districts sang probinsya, kaupod ang Passi City.
Nagpahayag man ang Ileco ukon Iloilo Electric Cooperative nga kun madayun na ang expansion sang MORE power, may ara gin nga pagsaka sang rate sang kuryente.
Dayun man ini nga ginklaro ni Roel Castro, Chief Executice Officer (CEO) sang More power nga wala sang pagsaka sa balayran sa kuryente kag mas mangin manubo pagid ang rate kun madayun na ang expansion.
