ILOILO CITY- Apektado ang mga tag- iya sang muffler repair shop sa Iloilo City bangud sa hugot nga pagpatuman sang “Anti-Modified Mufflers Ordinance” nga nagadumili sa mga modified mufflers.
Sa interview sang Bombo Radyo kay Juben Lamigo, tag- iya sang isa ka muffler repair shop sa San Pedro, Molo, iya ginpahayag nga nagnubo gid man ang numero sang iya mga customers.
Suno kay Lamigo, sa pagkamatuod, pabor gid man ini sa ordinansa.
Pahayag niya, may iban man nga serbisyo ang iya shop kag diri na lang ini mabawi.
Matandaan nga siyam ka mga establisyemento sa Iloilo City nga nagabaligya sang modified mufflers ang gindagdagan sang closure order.
Base sa anti-modified muffler ordinance, ginadumilian ang pagtakod kag pagbaligya sang modified mufflers.
