Nagahingyo ang National Commission on Muslim Filipinos (NCMF) sa iban nga mga Pilipino nga indi Muslim nga mangin sensitibo kag magpakita sang pagtahod kadungan sang pagsugod sang Ramadan sa Pilipinas subong nga adlaw, Marso 12.
Suno sa National Capital Region (NCR) Cultural Affairs Chief nga si Esmael Abdul, isa ka daku nga pagpanghangkat para sa mga Muslim nga magpuasa kag maglikaw sa mga pagkaon kag ilimnon kun makit-an nila nga naga-enjoy sang sini nga mga butang ang mga tawo malapit sa ila.
Sa opisina halimbawa suno kay Abdul, mas maayo nga indi na pag-ipakita sa ila ang pagkaon ilabi na kun masimhutan gid nila ini.
“Big challenge sa amin na kapag nakikita namin kayong kumakain. Halimbawa sa isang opisina na may nagfa-fasting, baka pwedeng hindi masyadong ipakita samin lalo na kung naamoy namin ‘yan. Talagang big challenge sa amin lalo na kung masarap ‘yung pagkain,” suno kay Abdul.
Ang Ramadan amo ang ika-siyam nga bulan sang Islamic calendar kun sa diin ang mga nagapati sa sini nga Islamic faith ang naga-obserbar sang fasting ukon pagpuasa, naga-reflect, nagapangamuyo, kag nagalikaw sa pagpanigarilyo kag pagpakighilawas.
Ang mga exempted sa sini amo ang may mga kasablagan sa lawas kag amo man sa paminsaron; mga nagabusong kag naga-breastfeed nga mga iloy; kag ang mga tigulang bangud maapektuhan sang fasting ang ila nga ikaayong lawas.
Ang Eid al-Fitr amo ang magamarka sang katapusan sang Ramadan kag gina-selebrar sa una nga tatlo ka adlaw sang Shawwal nga amo naman ang ika-10 nga bulan sa Islamic calendar. #
