I-check pa sang National Police Commission (NAPOLCOM) Region 6 ang medical certificate sang lalaki nga nagreklamo nga ginsaputi sang pulis sa Barotac Viejo, Iloilo.
Sa interview sang Bombo Radyo kay Atty. Joseph Celis, Regional Director sang NAPOLCOM, iya ginkumpirma nga nagpadulong sa ila talatapan ang tagreklamo nga si alyas Nonoy apang wala sila makakitaay.
Ang ginareklamo nga pulis amo si Patrolman Recie Marquez.
Sa subong, lantawon anay sang Regional Director ang iban pa nga ebidensya nga kapyot sang tagreklamo kag testimoniya sang mga testigo.
Mas maayo pa gid kuntani pahayag ni Celis nga may yara sang Closed Circuit Television (CCTV) camera bangud dako ini nga bulig agud nga masolbar ang kaso.
Sa subong dugang pa sang natungdan, indi pa maathag kun ano gid ang natabo sa tunga sang duha ka mga persona kag ini pa ang usisaon kag imbestigahan sang NAPOLCOM.
