Ginkwestiyon ni House prosecutor kag Manila 3rd District Rep. Joel Chua ang natukiban nga helipad sa mansyon ni Vice President Sara Duterte sa Davao City.
Suno sa prosecutor, dapat ini nga mabusisi bilang kabahin sang isyu sa unexplained wealth sang bise presidente.
Dugang pa niya, ang pagpanag-iya sang helipad posible nga indikasyon nga may helicopter ang pamilya Duterte.
Ang nasambit nga mansyon sang politiko nga may yara sang duha ka dalagko nga swimming pool kag isa ka helipad ang gindeklarar nga agricultural land sa Statement of Assets, Liabilities and Net Worth (SALN) ni VP Duterte.
Sa subong, padayon nga ginaimbestigahan sang National Bureau of Investigation (NBI) ang nasambit nga manggad.
Nagpatigayon man sang field inspection ang mga operatiba samtang ginatun-an kun nagasanto ang deklarasyon sang bise presidente.
