Wala sang may na-rekord nga ”major incidents” ang mga kapulisan sa ginpatigayon nga Nazarene procession sa Maynila subong nga adlaw sang Byernes Santo.
Sa statement nga ginpagwa sang Philippine National Police, madinalag-on nga nasiguro ang seguridad kag kaayuhan sang prosisyon nga gintambungan sang ginabulubanta tunga sa milyon nga mga tumuluo.
Suno sa PNP, naglab-ot sa kabug-usan nga 3, 169 personnel ang gin-deploy sa lugar agud nga maghatag sang bulig.
Nagpalab-ot naman si PNP Chief PGen. Jose Melencio Nartatez Jr. sang pagpasalamat sa tanan nga mga police officer para sa ila nga kooperasyon kun sa diin nagresulta ini sang ”incident-free” nga pag-obserba sang Byernes Santo sa Quipo, Maynila.
Samtang, ginrespondihan naman sang mga medical teams suno sa PNP ang 397 ka mga ”minor incidents.”
Natapos ang prusisyon las 12:52 sang udto.
