ILOILO – Liwat nga nagpahanumdom si Cabinet Sec. Karlo Nograles tuhoy sa nangin pahayag ni Pres. Rodrigo Duterte may kaangtanan sa ‘ninja cops’.
Sa interview sang Bombo Radyo kay Sec. Nograles, iya ginpahayag nga santo sa pahayag sang Presidente, patapuson anay ang hearing sa senado tuhoy sa ‘ninja cops’ antes makapatigyon sang imbestigasyon ang Department of Justice kag Department of Interior and Local Government.
Suno kay Nograles, may yara man sang mga testigo nga igapresentar ang senado bilang pamatuod kag makapabaskog sa imbestigasyon.
Nahibaluan nga sa ginpatigayon nga hearing sa senado, ginbuyayag ni anay Criminal Investigation and Detection Group deputy director for operations Rudy Lacadin nga nagtawag mismo si Albayalde sa iya kag nagpahayag nga may nakuha siya nga gamay nga porsyento sa kontrobersyal nga drug buy bust operation sang 2013.
Ginkabig naman ni Baguio City Mayor Benjamin Magalong, anay pinuno sang Criminal Investigation and Detection Group, nga mabaskog ang testimonya ni Lacadin.
