Nabulsa na gid man sang twenty-four-time Grand Slam champion nga si Novak Djokovic ang Olympic gold medal sa ika-lima nga bes sini nga pagtapak sa Olympiada.
Ang bulawan nga medalya sa Olympics amo man ang nagkumpleto sa career ‘Golden Slam’ sang 37-anyos nga Serbian tennis superstar.
Ginlutos sini ang 21-anyos nga French Open kag Wimbledon champion nga si Carlos Alcaraz, 7-6(3), 7-6(2), sa masobra duha ka oras nga makahalawat-hawat nga all-time final sa Court Philippe-Chatrier.
“Playing for Serbia has always been my utmost, real pleasure, my priority … I’m just so proud to be a part of an elite number of athletes that managed to win gold for their countries in their respective sports,” pahayag sini kasunod sang iya posible nga final appearance sa Olympics.
“And being on that court with the Serbian flag raising, singing the Serbian anthem, with the gold around my neck, I think nothing can beat that in terms of professional sport. It definitely stands out as the biggest sporting achievement I had.”
Antes sini nga titulo, kilala ang Serb tennis icon nga 10 ka beses nga nagdaog sa Australian Open, pito sa Wimbledon, apat sa US Open, kag tatlo sa French Open.
Sa iya edad, naghimo man ang Serbian sang maragtas bilang pinakatigulang nga player nga nagkampyon sa men’s Olympic singles.
