ILOILO CITY – Ginakabig sang Department of Health nga isa ka maayo nga balita ang pagsaka sang numero sang mga naka recover sa Coronavirus Disease 2019 (COVID-19) sa Western Visayas.
Sa interview sang Bombo Radyo kay Dr. Renilyn Reyes, pinuno sang Public Health Program Development Cluster kag COVID-19 spokesperson sang Department of Health 6, iya ginpahayag nga as of April 25, nagapabilin sa gihapon sa 58 ang kumpirmado nga COVID-19 case sa rehiyon, nagsaka sa 24 ang naka recover matapos nga pulo ang nagdugang sa listahan.
Suno kay Reyes, santo sa ginpaguwa nga laboratory result sang Western Visayas Medical Center, lunsay negatibo ang 79 ka specimen.
Sa pihak sini, nagsaka sa 9 ang patay kun sa diin ang isa nga nagdugang suno kay Reyes amo ang 63 anyos nga lalaki sa Roxas City nga amo ang Patient no. 41.
