ILOILO CITY – Nagsaka ang numero sang sunog sa syudad sang Iloilo.
Sa interview sang Bombo Radyo kay Fire Chief Inspector Christopher Regencia, City Fire Marshall, iya ginpahayag nga naglab-ot sa 274 ang numero sang natabo nga sunog humalin sang Enero 1 tubtub subong nga Hunyo.
Kun basehan ang record sang Bureau of Fire Protection (BFP), nagsaka sang 41 ang numero sang sunog nga natabo subong nga 2019 ipaanggid sa 223 nga na record sang 2018 sa kasubong nga period.
Kun pahat-pahaton suno kay Regencia, nagapanguna sa listahan sang sunog amo ang post fire ukon may kaangtanan sa kuryente.
Kalabanan sa sunog ang natabo sang Marso nga amo ang Fire Prevention Month.
Naglab-ot sa masobra sa P8 million ang balor sang halit nga natuga sang sunog.
