BOSTON, MASSACHUSETTS – Nagakabalaka subong ang isa ka nurse sa Boston, Massachusetts nga mahimo pa magtaas ang numero sang mga nagkalamatay sa Estados Unidos bangud sa Coronavirus Disease 2019.
Sa report ni Bombo International Correspondent Cresty Celo Desquitado, iya ginpahayag nga nagakabatyag siya sang kakulba subong bangud madasig nga nagataas ang numero sang mga patay sa Estados Unidos sa diin yara na ini subong sa 22,071.
Ang ginatrabahuan ni Desquitado nga ospital ang labing una nga gindeklara sang Estados Unidos nga nangin COVID-19 hospital.
Suno sa nurse, ika-lima ang Massachusetts nga may pinakamadamo nga kaso sang COVID-19 kag nagapabilin nga nagapanguna amo ang New York.
Bangud sini, nakahanda naman ang Boston sang iban pa nga pasilidad nga mahimo pahamtangan sang COVID-19 patients sa tion nga magdamo pa ang mga mag positibo sa nasambit nga virus.
Dugang pa sang natungdan, gina abi-abi kag ginapasalamatan sang mga tawo ang mga frontline health workers sa Boston indi kaangay sa Pilipinas nga may mga dikskriminasyon nga nagakatabo.
