ILOILO CITY- Nagpabutyag sang kahandaan ang Office of Civil Defense Region 6 sa pagbulig sa Negros Island Region nga ginabug-usan sang Negros Occidental, Negros Oriental, kag Siquijor sa tion nga magsugod na ini sa pag- function bilang administrative region sa 2025.
Sa interview sang Bombo Radyo kay Office of Civil Defense Region 6 Raul Fernandez, iya ginpahayag nga willing sila nga magbulig sa Negros Island Region sa pagresponde sa ano man nga sahi sang kalamidad.
Suno kay Fernandez, may yara man sila sang mga personnel nga handa nga ma-assign sa Negros Island Region sa tion nga mangin isa na gid ini ka administrative region.
Ginaabi-abi naman ni Fernandez nga sa tion nga magsugod na sa pag-function ang Negros Island Region kag may yara na sila sang kaugalingon nga Office of Civil Defense, mas mahapos na lang ang pag-responde sa tion nga may matabo kaangay sang paglupok sang bulkan Kanlaon kag iban pa nga posible kalamidad.
