Gin-postpone ang opening of lights sang “Christmas Village sa Makabagong Pilipinas” sa Iloilo Provincial Capitol.
Natalana ini kuntani sa Disyembre 6 apang ginsaylo ini sa Disyembre 13.
Ini bangud nga nag-conflict ini nga aktibidad sa schedule ni Iloilo Governor Arthur Defensor Jr.
Sa interview sang Bombo Radyo kay Defensor, iya ginpahayag nga magatambong ini sa yearend assembly sang League of Provinces sa Malacañang sa Disyembre 6.
Suno kay Defensor, importante ang ini ang assembly bangud yara ang presensya ni Presidente Marcos Jr. kag mga cabinet members.
Mangin dinapit naman nga bisita sa opening of lights sa Disyembre 13 sa Iloilo Provincial Capitol si Department of Education Secretary Sonny Angara.
Nahibaluan nga P4 million ang ginpain sang probinsya para sa Christmas lights kag dekorasyon subong nga tuig.
