Patigayunon sa Septyembre 23 ang oral arguments sang prosecution kag defense kaangot sa 16-vote threshold nga kinahanglan para ma-convict si Vice President Sara Duterte sa impeachment trial.
Ginpahibalo ini ni Senate impeachment court presiding officer Francis “Chiz” Escudero kahapon, Septyembre 8.
Ini matapos mangayo sang klaripikasyon si Senator-Judge Erwin Tulfo kaangot sa voting threshold bangud apat ka senator-judges ang wala nagatambong sa trial.
“I am not seeking to lower the requirement. My question now is very basic, when we refer to all members, who exactly are we counting?,” suno kay Tulfo.
Si Senator Loren Legarda yara subong sa luwas sang pungsod bangod sa health concerns nga natabo matapos nga nag-anunsyo nga imbestigaran siya sa plunder kag graft complaints; si Senator Ronald “Bato” dela Rosa nagapanago bangod sa arrest warrant sang International Criminal Court; samtang sanday Senators Jinggoy Estrada kag Rodante Marcoleta yara sa presuhan bangod sa separado nga kaso sang plunder.
“The absence of those senators, whether we like it or not, will result in an acquittal by default,” suno pa sa senator-judge.
“My question is, are we going to allow them to vote? Are we going to accept their votes even though they’re not attending this trial or is it automatic to say their votes will be ‘no’?” dugang sini.
Matapos ang konsultasyon upod ang mga senator-judges kag abogado, ginpahayag ni Escudero nga pamatian anay sang korte sa Septyembre 16 ang mga amici curiae ukon “friends of the court” para maghatag sang opinyon kaangot sa voting threshold.
“The Chair agrees with Senator-judge Pia. We cannot decide on this motion of Senator-judge Erwin Tulfo at this point in time, but we can set in motion what the court shall do in order to resolve this matter,” suno kay Escudero.
Pagkatapos sang pagpamati sa legal experts, pagahiwaton ang oral arguments sang prosecution kag defense sa September 23, nga tag-15 minutos ang ihatag sa kada kampo para ipresentar ang ila posisyon. Magaboto man ang mga senator-judges sa amo nga adlaw kaangot sa kun pila gid ang boto nga kinahanglan agud ma-convict ang vice president.#
