OVY Foundation kag Ceres Liner nanghatag sang bulig pinansyal sa himata sang mga biktima sang Iloilo Strait tragedy

ILOILO– Nagpanagtag sang bulig pinansyal ang OVY Foundation ni Donya Olivia VillaFlores Yanson nga tag iya sang Yanson Group of Bus Companies kag Ceres Liner sa mga himata sang biktima sang natabo nga Iloilo Strait Tragedy.

Sa interview sang Bombo Radyo kay Teody Maturan, Iloilo branch manager sang Ceres Liner, iya ginpahayag nga gilayon nga nag mandu sa iya si Donya Olivia Yanson nga magpalab-ot sang pinansyal nga bulig sa mga biktima sang natabo ang nasambit nga trahedya.

Suno kay Maturan, ginpili nila ang Bombo Radyo nga palaagyan agud mahatag ang bulig pinansyal sa mga biktima bangud sa kredibilidad sini sa pagbulig sa mga pumuluyo.

Nahibaluan nga natigayon nga ipanagtag ang P10,000 cash nga bulig pinansyal sang OVY Foundation kag Ceres Liner sa mga biktima sang trahedya subong nga adlaw pinaagi sa Bombo Radyo Iloilo.