Gindugangan sang gobyerno sang P20 milyon ang reward para sa makatudlo sang nahamtangan sang pugante nga si Atong Ang, nga nagapangatubang sang patong-patong nga mga warrant may kaangtanan sa kaso sang ‘missing sabungero’.
Suno kay Interior Secretary Jonvic Remulla, tinutuyo sang amo nga pagtaas sang reward nga mas madasig ang pagka-aresto kay Ang.
Ginpasiguro ni Remulla nga padayon ang imbestigasyon sa posible nga ginahamtangan ni Ang, matapos ang balita nga nagpalagyo ini padulong sa Cambodia — nga ginpanginwala naman sang gobyerno sang nasambit nga pungsod.
Matandaan nga una na nga ginpanginwala ni Ang ang mga akusasyon kag nagpasaka sang kaso batok sa whistleblower nga si Julie Patidongan, nga nag-akusa sa iya nga naga-organisa sang pagpatay sang amo nga mga manugbulang.
Plano man sang gobyerno nga gamiton ang advanced surveillance technology, lakip na ang lidar, agud mapadasig ang pagsagap kay Ang kag sa iban pa nga high-profile fugitives.
