Ginkondenar sang madamo nga mga pungsod ang pag-atake batok sa United Nations peacekeepers sa Lebanon matapos mapatay ang tatlo ka suldado halin sa Indonesia.
Sa ginpirmahan nga pahayag sa United Nations, ginpahayag sang mga ini nga ang mga pag-atake indi mabaton kag makabig gid bilang isa ka krimen.
Ginpanawagan man ang mas mabaskog nga proteksyon para sa mga peacekeeper sa idalom sang United Nations Interim Force in Lebanon.
Ginakabalak-an man sa karon ang nagalala nga humanitarian crisis, lakip na ang pagkalamatay sang mga sibilyan, pagkaguba sang imprastraktura, kag masobra 1 milyon ka mga tawo nga naghalin na sa lugar.
Nagapanawagan sa karon ang pungsod sang hustisya kag mas mabaskog nga proteksyon para sa UN peacekeepers bangod sa nagalala nga kahimtangan sang inaway sa Lebanon.
