ILOILO – Magapatigayon liwat sang pagsinapol subong nga adlaw ang Provincial Disaster Risk Reduction and Management kaupod si Iloilo Governor Arthur Defensor Jr. agud istoryahan ang posible nga pagdeklara sa state of calamity sa mga kabanhawanan nga naapektuhan sang paglaslas sang Bagyo nga Ursula sang damlag lang.
Sa interview sang Bombo Radyo kay Dr. Jerry Bionat, pinuno sang Provincial Disaster Risk Reduction and Management Office iya ginpahayag nga iperesentar nila ang mga reports natuhoy sa sitwasyon sang mga apektado nga mga kabanhawanan sa gobernador kag ini ang igapresentar niya sa Provincial Disaster Risk Reduction and Management Council kag kun aprubahan iendorse ni Gov Defensor sa Sanguniang Panlalawigan nga amo ang may otoridad nga mag deklara sang state of calamity.
Suno kay Bionat, ginalauman nga ma endorse na ni Governor Defensor ang mga report agud mahatag na sang Sanguniang Panlalawigan ang pinal nga desisyon sa madasun nga semana.
Nagpasalig naman ang natungdan, nga padayon ang pagpalab-ot sang bulig sang Provincial government sa mga nabiktima sang bagyo.
