Indi na maka-compete sa 2025 Universal Woman pageant ang reigning Universal Woman Philippines 2025 nga si Sophia Bianca Santos.
Ini matapos nga wala siya nag-qualify sa age requirement sang amo nga international pageant
Ang Universal Woman competition nagabaton sang participants nga nagaedad 25 tubtob 45 apang 21-anyos pa lang si Santos.
Matandaan nga ginkoronahan ang 21-anyos nga Kapampangan bilang Universal Woman Philippines sang nag-compete ini sa 2024 Miss Grand Philippines pageant.
Bangud sa sini nga development, gin-appoint naman bilang official representative sa 2025 Universal Woman pageant si Jasmine Omay.
Si Omay ang batchmate man ni Santos sa Miss World Philippines 2024 kun sa diin si Omay ang ginkoronahan bilang First Princess, samtang si Santos naman ang Second Princess.
Sa amo nga pageant, si Krishnah Gravidez ang nagdaug sang Miss World Philippines title.
Natalana nga magpadulong si Omay sa India sa ulihi nga semana sang Mayo agud tinguhaan nga makuha ang back to back title matapos nga ginkoronahan man sang nagligad nga tuig ang Pinay nga si Maria Gigante nga amo ang pinakauna nga nangin tiglawas sang Pilipinas sa Universal Woman contest kag nadala gilayon pauli ang korona.
