Makabig nga isa ka krimen ang pagpangyaguta sang isa ka person with disability (PWD) sandig sa nakabutang sa Magna carta for PWDs.
Ini ang ginpakigbahin sang isa ka legal expert kasunod sang nangin derogatory remarks sang pila ka podcasters sa subang nga anak ni Kris Aquino nga si Josh Aquino.
Nag-ugat ini sa kontrobersyal nga episode sang ‘Machong Chismisan’ kun sa diin may malain nga mga tinaga nga ginhaboy batok kay Josh kaangay sang walang kwenta samtang nagakinadlaw ang mga host.
Sa interview sang Bombo Radyo kay Atty. Jonald Dorado, iya ginpahayag nga apisar pa nga magpanindugan ang mga content creators nga “joke” lang ang ila pahayag, makabig sa gihapon ini nga indi maayo nga komento.
Suno sa iya, subong nga gin-isyuhan na sang subpoena sang National Bureau of Investigation ang hosts sang podcast, pagalantawun sang NBI ang mga ebidensya kun may nagakaigo gid man nga basehan nga pasakaan sang kaso ang mga involved nga hosts sa nasambit nga podcast.
