ILOILO CITY – Kanselado na ang pagsaulog sang ika 75 nga anibersaryo sang Liberation of Panay, Guimaras and Romblon nga patigayunon kun tani sa Marso 18 bangud sa pagpamahog ang COVID-19
Sa interview sang Bombo Radyo kay Nereo Lujan, Chief sang Public Information and Community Affairs Office iya ginpahayag nga ginalauman nga pagatambungan sang madamo nga tawo lakip na ang mga matag-as nga opisyal sa probinsya kag mga beterano ang nasambit nga kahiwatan gani ginpakamaayo nila nga indi nalang ini pagdayunon agud man malikawan nga matapikan sang nasambit nga balatian.
Suno kay Lujan, indi man madayon ang Sunrise Ceremony nga kabahin sang pagsaulog sang ika-75 nga tuig sang Liberation of Panay, Guimaras and Romblon sa baylo nga butangan nalang sang bulak ang Balantang Shrine bilang pagdumdom sa mga beterano.
Sa pihak sini, ginsaylo naman sa Agosto ang lecture nga patigayunon nga lecture may kaangtanan sa World War History nga pagapangunahan ni Dr. Ricardo Jose nga isa ka Wold War II, Historian kag patigayunon kun tani sa Marso 17.
