Pamilya Dacera, indi kumbinsido nga aneurysm ang ginkamatay sang FA nga si Christine

Panibag-o nga autopsy result ang ginahulat sang Pamilya Dacera agud mapamatud-an nga indi lang basta natural causes ang sa likod sang kamatayon sang flight attendant nga si Christine Angelika Dacera sa Makati City.

Suno sa mga abogado sang pamilya sang biktima, wala ginlakip sa medical examination sang scene of the crime officer ang pila ka mga injuries sa lawas ni Christine.

Santo sa una nga kopya nga sang medico-legal report, “ruptured aortic aneurysm” ang cause of death sang biktima.

Suno kay Atty. Paolo Tuliao, isa sa mga abogado sang pamilya, wala naspecify sa report sang SOCO ang hematoma ukon ang mga bruises sa lawas ni Christine.

Posible nga subong nga adlaw, Mierkules, maga-gwa ang latest autopsy results.

Una na nagpahayag si Makati Police Chief Col. Harold Depositar nga may traces sang semen nga nakit-an sa lawas ni Christine apang wala ini nakit-an sa report nga ginpagwa.

Sa baylo, may gin-note nga abrasion kag deep healed lacerations sa private parts sang biktima.

Nagapanindugan naman si Brick Reyes, spokesperson sang pamilya Dacera, nga bastante na nga ebidensya ang mga injuries sa paa kag kamot ni Christine agud maestablisar nga may yara sang probable cause sang rape.

Sa alegasyon ni Reyes, gin-set up ang pag-rape sa biktima ilabi na bangud mag-abyan ang hotel manager kag ang isa sa ginaalegar suspek sa paghimulos kay Christine.

“They said she died of natural causes, a ruptured aortic aneurysm which appears in the certificate of death, but which does not include the other injuries she sustained,” pahayag ni Reyes. “It is not complete as far as we are concerned, that is why we requested for another autopsy.”Matandaan nga nasapwan nga patay si Christine sa isa ka hotel bathtub sang New Year’s Eve.

Sa subong tatlo pa lang ka suspek ang yara sa kustodiya sang pulis: sanday John Pascual Dela Serna III, 27; Rommel Daluro Galido, 29; kag John Paul Reyes Halili, 25.Ang tatlo ang lunsay nagapangatubang sang kaso nga rape with homicide.

Ang iban pa nga mga suspek amo sanday: Gregorio Angelo de Guzman, Louie de Lima, Clark Jezreel Rapinan, Rey Englis, Mark Anthony Rosales, Jammyr Cunanan, Valentine Rosales, certain Ed Madrid; kag certain Paul.

Naghatag naman sang 72 ka oras si PNP chief Gen.Debold Sinas sa mga suspek agud magsungka bangud kun indi, ipatigayon ang manhunt.

“This is a fair warning. Surrender within seventy-two (72) hours or we will hunt you down using force if necessary.We know who you are. Your family must turn you over to the police. Those found to be abetting your escape will also be arrested,” pahayag ni Sinas.