ILOILO CITY-Ginbalikan sang pamilya ni the late Iloilo 2nd District Congressman Arcadio Gorriceta ang iya maayo nga mga hinimuan.
Si Gorriceta ang nagtaliwan sa edad nga 74 bangud sa komplikasyon sa sepsis due to pneumonia.
Sa interview sang Bombo Radyo sa anak sang anay mamalidha nga si Iloilo 2nd District Congressman Michael Gorriceta, iya ginpahayag nga 2017 sang na-diagnose nga may stage 4 cancer ang iya amay.
Suno kay Gorriceta, matapos ang tatlo ka tuig nga pagpakig-away sa balatian, ginbawian ini sang kabuhi sa isa ka pribado nga ospital sa Syudad sang Iloilo.
Ginpahayag ni Gorriceta nga sang ulihi nga tinuig sang kabuhi sang iya amay, ginbubo niya ini sa pagbulig sa Sta. Monica Parish kag nagpatukod man ini sang chapel sa Bucari, Leon.
Sa subong, wala pa sang pinal nga detalye sa interment sang nagtaliwan nga anay mamalidha.
