Indi na mag-gwa sa central balcony sang St. Peter’s Basilica sa Vatican si Pope Francis agud nga magbasa sang iya Christmas message subong nga tuig.
Bangud sa COVID-19 restrictions sa Italy, ginpahayag sang Vatican nga mangin indoors na ang pag-deliver sang Santo Papa sang Christmas “Urbi et Orbi” message kag lima pa ka mga addresses.
Ini nga mga mensahe ang posible ipatigayon halin sa Disyembre 26 tubtob sa Enero 6.
Bangud man sa istrikto nga COVID-19 restrictions, ginadumilian na ang nga tawo nga magpadulong sa St. Peter’s Square.
Ang mga papal events ang iga-live stream lang kag ipakita sa telebisyon.
Nahibaluan nga ang Italy ang una nga Western country nga gin-igu sang COVID-19; sa subong, may yara na sang 1.96 million ka kaso sang COVID-19 sa amo nga pungsod, ikalima sa pinakamataas sa kalibutan kag 69,214 ka reported nga napatay, pinakamataas nga numero sang COVID-19 fatalities sa Europe.
