Ginkumpirma sang Hong Kong authorities nga may na-detect nga UK variant sang COVID-19 sa isa ka pasahero nga nagbyahe halin sa Pilipinas.
Suno kay Dr. Chuang Shuk-kwan, head sang Communicable Disease Branch sang Center for Health Protection sang Hong Kong, ang ginatumod nga pasahero ang nag-abot sa Hong Kong sakay sa Philippine Airlines flight PR300 sang Disyembre 22.
Babaye ang amo nga pasyente, 30 anyos, kag tagged bilang case 9003.
Magluwas sa pasahero nga halin sa Pilipinas, may yara man sang mga pasyente sa Hong Kong nga naghalin sa UK kag France nga kumpirmado man nga positibo sa UK variant sang COVID-19.
May kaangtanan diri, nagpahayag si Health Undersecretary Maria Rosario Vergeire nga nagapakig-angot na sila sa International Health Regulations focal point sang Hong Kong para sa dugang nga detalye.
Gina-retrieve man subong ang flight manifest sang flight PR 300.Matandaan nga santo sa ulihi nga announcement sang Department of Health sang Enero 2, wala pa sang nadetect nga bag-o nga variant sangCOVID-19 sa Pilipinas.
Ang bag-o nga COVID-19 variant ukon kilala man nga BC117 ang ginapatihan nga mas makalalaton ipaangid sa original strain sang novel coronavirus. Una ini nga na-detect sa United Kingdom sang Setyembre 2020.
