Ginmando sang korte sa Pasay City nga buy-an ang napreso nga aktres kag negosyante nga si Neri Naig.
Suno kay Bureau of Jail Management and Penology (BJMP) spokesperson Jail Supt. Jayrex Bustinera, nabaton na nila ang release order.
Si Neri ang gin-aresto sang nagligad nga semana bangud sa mga kaso nga estafa kag paglapas sa Securities Regulation Code.
Gin-akusaran man ini sa pagganyat sa mga indibidwal nga mag-invest sa isa ka skin care company nga indi otorisado nga magpangayo sang capital sa publiko.
Ginpanginwala naman sang kampo ni Neri ang mga akusasyon kag ginpanindugan nga biktima lang ini.
