ILOILO – Ginkalipay sang syudad sang Passi ang pagdeklara sa ila bilang isa ka Drug cleared City.
Sa interview sang Bombo Radyo kay Passi City Vice Mayor Jesrey Palmares, iya ginpahayag nga ang pagdeklara sa ila nga Drug Cleared City isa ka dungog kag kadalag-an.
Suno kay Palmares, resulta man ini sang pag ugyon sang Local Government Unit kag sang tanan nga pumuluyo sa syudad sang Passi.
Ginpabugal man ni Palmares ang ila nga Balay Silangan ukon ang rehabilitation center para sa mga drug surrenderees.
Nahibaluan nga sa bilog nga Western Visayas, 39 tanan ka mga kabanhawanan lakip na ang syudad sang Passi ang gin identify nga drug cleared sang Philippine Drug Enforcement Agency.
