Nagsaka na sa 14 ang napatay bangud sang pagtiphag sang duta kag lapnagon nga baha sa Davao Region (Region 11) — kun basehan ang mga opisyal nga yara gid mismo sa area.
Base naman sa situation report sang National Disaster Risk Reduction and Management Council (NDRRMC), lima pa lamang ka patay ang na-validate apang ginkumpirma sini nga madamo pa nga fatalities ang na-report sa ila.
Lakip sa mga napatay amo si Purisa Sin-agan, 98, nga nabiktima sang landslide sa Brgy. Rotten, Monkayo, Davao de Oro sang Pebrero 2.
Suno naman sa provincial government sang Davao de Oro, may 76-anyos nga babayi kag isa man ka wala pa natumod nga lalaki nga nalumos sa banwa sang Pantukan.
May isa man nga nalumos sa kaiping nga banwa sang Maco sa amo gihapon nga probinsya.
Apat man ka myembro sang isa lamang ka pamilya ang napatay sa pagtiphag sang duha sa Brgy. Gupitan, Kapalong, Davao del Norte.
Antes sini nga reports, ginsiling na sang probinsya sang Davao de Oro sang Pebrero 2 nga may anum na nga napatay sa separado nga mga insidente sang landslide sa New Bataan kag Maragusan.
Ini nga kalamidad sa Davao ang nag-apekto na sa 529,583 ka mga indibidwal (143,047 ka mga pamilya) sa Davao Region kag Caraga.
Masobra 70,000 sa ila ang nagapabilin gihapon sa evacuation centers halin sang nagsugod ang mabaskog nga pag-ulan sang Enero 28. #
(Provincial Government of Davao Oriental)
