Nakuhaan sang litrato ang patrol car sang Iloilo City Police Office nga nag liko sa pedestrian lane sa General Luna Avenue, gani nangin palamangkutanon sa kadam an kung may violation bala nga nahimo ang driver sang patrol car.
Sa interview sang Bombo Radyo kay Police Colonel Wilbert Parilla, ang Officer in charge sang Iloilo City Police Office, iya gin pahayag nga ginpasugtan sang TTMO ukon ang Traffic and Transportation Management Office ang mga patrol car nga mag liko sa nasambit nga lugar.
Gindugang ni Parilla nga gin hingyo nila ini considering man nga may mga emergency nga nagakatabo apang sa subong, ginpasugtan nagid ang kapulisan apisar may emergency ukon wala, basta nagapasulod kag pa gwa ang mga ini sa ICPO.
Naghatag man si Parilla sang mensahe sa publiko nga nagapahibalo nahanungod sa pag pahanugot sa kapulisan may kaangtanan sa insidente.
Text by: Bombo Lynd-C Bade
