Wala ginbaton ni Senador Ping Lacson ang ginapahayag 5 milyon pesos nga gintanyag sa iya nga naghalin sa talatapan sang Technical Education and Skills Development Authority ukon TESDA.
Suno kay Lacson, magapangayo siya sang klaripikasyon nahanungod sa nasambit nga tanyag sa iya sa plenary debate sa ginaproponer nga 2027 budget sang TESDA sa Senado sa Nobyembre.
Ginpakigbahin man sini ang screenshot sa nasambit nga tanyag.
Kadungan sini, ginpahayag ni Lacson nga ila nga busision ang kwestyonable nga bahin sang 7.2 trillion pesos sa ginaproponer nga national budget para sa 2027 nga gin-aprubahan sang Kamara.
Base sa report, wala pa mapamatud-an ang ginhalinan kag tinutuyo sang nasambit nga 5 milyon pesos nga tanyag.
