Gin-anunsyo ni President Ferdinand Marcos Jr. nga papagwaon na sa presuhan sang Russia ang 24 ka Pilipino nga siyam ka bulan na nga na-detaine sa Irkutsk matapos sini mamensyonar ang ila kaso kay President Vladimir Putin sa ila bilateral meeting sa ASEAN-Russia Commemorative Summit sa Kazan.
Suno kay Marcos, wala sang kaso nga ginpasaka batok sa mga Pilipino, apang nagpadayon ang ila pag-detaine bangud sang mga problema sa immigration.
Ginapatihan man nga nabiktima ang mga ini sang illegal recruiters ukon human trafficking.
Matapos mahibaluan ni Putin ang nasambit nga problema gilayon ini nga nagmando nga solbaron ang kaso.
Nakatalana nga ipa-deport pabalik sa Pilipinas ang 24 ka mga Pilipino sa Byernes nga adlaw Hunyo 26.
Ginpahayag man ni Marcos nga ang ginpangita kag ginakasuhan sang mga awtoridad sa Russia ang mga illegal recruiter kag indi ang mga Pilipino nga nabiktima sang ila operasyon.
