Nagpanawagan ang mga progresibo nga grupo sa Office of the Ombudsman agud mapasakaan gilayon sang kaso si Senador Joel Villanueva kag iban pa nga nalakip sa kontrobersiyal nga flood control scandal.
Sa ginpatigayon nga protesta sang Samahan ng Progresibong Kabataan (SPARK) sa Office of the Ombudsman, ginpunto sang grupo nga masobra duha ka semana na ang nagligad humalin sang ginpahayag ni Ombudsman Jesus Crispin Remulla nga handa na ang pagpasaka sang plunder case batok sa senador.
Suno kay SPARK PUP Coordinator John Christian Ancheta, ginakabalak-an nila nga nagdungan ang pagka-delay sang kaso sa pag-atubang ni Villanueva sa special session nga ginpangunahan sang bag-o nga Senate Majority bloc.
Bangud sini, nagpahayag sang kahangawa ang grupo nga basi magduha-duha ang Ombudsman nga dayunon ang pagpasaka sang reklamo ukon panubuon ang piyansa sang ginapangatubang nga kaso sang senador.
Bangud sini, nagpanawagan ang mga raliyista nga sabton sang Ombudsman ang pagpahinay sang proseso sa baylo nga gilayon nga pasabton ang mga nadala sa anomaliya sa flood control.
