ILOILO CITY- Ginpadayaw ni President Ferdinand “Bongbong” Marcos Jr. sa atubang sang mga German business leaders nga ang Pilipinas ang yara na sa proseso sang pag-decarbonize sang economy ukon ang pagtinguha nga mabuhinan ukon madula ang carbon dioxide emissions nga nagatuga sang polusyon.
Sa ginpatigayon nga Philippines-Germany Business Forum kadungan sang iya working visit sa Berlin, Germany, ginpahayag sang Presidente nga nagatinguha ang Pilipinas saa pag- develop sang mga programa nga magasuporta sa pag-decarbonize sa ekonomiya.
Suno sa presidente, nagalaum ini nga mahatagan sang oportunidad para sa mas masangkad nga kooperasyon natuhoy sa climate change kag energy transition.
Dugang niya, ginabutang man sang Pilipinas ang kaugalingon sini bilang regional hub para sa smart kag sustainable manufacturing.
Ginpahayag niya nga ang gobyerno sang Pilipinas ang ngapanguna sa pag-engganyo sang “sustainability-driven nga mga strategic investments nga ginapaandar sang renewable energy.
Ginsiling man niya sa mga posible German investors nga ang Pilipinas isa ka ideal nga destinasyon para sa complementation sa manufacturing kag sa services.
