ILOILO CITY- Magapasa sang courtesy resignation si PBGen Leo Francisco, direktor sang Police Regional Office 6.
Sa interview sang Bombo Radyo kay PBGen Francisco, iya ginpahayag nga sabat niya ini sa panawagan ni Department of Interior and Local Government Secretary Benhur Abalos sa mga generals kag colonels sa Philippine National Police nga magpasa sang ila courtesy resignation bilang tikang agud mapapas ang mga police nga naangot sa illegal drug trade.
Suno kay Francisco, ang pagpasa sang courtesy resignation ang una niya nga atenderon sa pagbalik niya sa iya opisina sa Camp Martin Delgado halin sa Metro Manila.
Dugang niya, ini agud pamatud-an nga wala siya na-involve sa ano man nga illegal drug trade.
Matandaan nga ginpahayag ni Abalos nga may kapin sa 300 ka mga full colonels kag generals ang natukiban nga naangot sa illegal nga droga.
