Ginpunto sang PDP-Laban nga isa ka pagsupak sa Konstitusyon ang pagtinguha nga panubuon ang 16-vote threshold para sa conviction sa impeachment trial sa Senado.
Suno kay Atty. Ferdinand Topacio, national spokesman sang PDP-Laban, ang 16 nga boto ang gintalana sang Konstitusyon kag dapat nga magapabilin ang standard number of votes agud mahukman ang isa ka impeachable officer.
Ginpahayag ini sang Partido matapos ang nagtuhaw nga palamangkutanon kag posibilidad nga panubuon ang threshold bangud apat sa 24 ka mga senador ang wala nagatambong sa impeachment proceedings batok kay Vice President Sara Duterte.
Lakip sa mga wala nagatambong amo sanday Senators Jinggoy Estrada, Rodante Marcoleta, kag Ronald “Bato” dela Rosa, samtang indi man makatambong si Senator Loren Legarda bangud sa problema sini sa iya nga ikaayong lawas.
Gindugang pa ni Topacio nga ang pagbag-o sang 16-vote requirement ang pwede nga magbukas sang posibilidad sang political manipulation kag dapat suno sa iya nga magdaog ang Konstitusyon kag indi ang political considerations.
