Ginbawian gid sang kabuhi ang katapo sang Philippine Army matapos gintiro sang kaupod man nga suldado sa sulod sang kampo sa Camp General Macario Peralta sa Jamindan, Capiz.
Ang biktima amo si Private First Class Wencel Jay Puntuan, residente sang Purok 2, Brgy. Cabpangi, Libungan, Cotabato.
Ang suspek amo si Private First Class Rosarjoe Manajero, residente sang Datu Odin Sinsuat, Maguindanao del Norte.
Base sa imbestigasyon, nag-inom-inom ang duha kag may nagpatunga nga tensyon tubtob nagresulta ini sa pagpangluthang.
Na-recover sa lugar ang 15 ka empty shells sang 5.56mm.
Nagapadayon pa ang imbestigasyon sa natabo.
