ILOILO – Wala-tuo ang kampanya sang Provincial Health Office agud nga makumbinse ang kalabanan sa probinsya sang Iloilo nga magpabakuna batok sa COVID-19.
Sa interview sang Bombo Radyo kay Provincial Health Officer Dr. Maria Socorro Quiñon, iya ginpahayag nga 24 na sa 43
ka local government units sa probinsya ang napadulungan sang Provincial Health Office para sa kampanya nga suportahan ang vaccination program.
Positibo man suno kay Quiñon ang resulta sa tagsa nga matapos ang information dissemination bangud naganubo na ang vaccine hesitancy.
Santo naman sa survey sang PHO sa health units sa probinsya, out of 1,212 nga respondents, 830 ang nag-Yes sa bakuna, 65 ang nag-No, kag 317 ang undecided.
Lakip sa mga rason sang undecided ukon wala pa nakadesisyon amo ang iban nga balatian sa lawas, kahadlok sa side effects, brand sang bakuna, mga nagabusong nga babaye, kag kakulang sa impormasyon.
