ILOILO CITY – Duha sa mga myembro sang kilala nga K-pop group nga BTS ang nagapaidalom sa military service sa South Korea.
Apisar nga yara sa military service, isa sa mga myembro sang grupo ang nakabulig sa pagpurnada sang isa ka robbery sa Brazil.
Paano ini natabo?
Ang college student nga si Natali Vitoria Ramos Reis, 21, ang yara sa bus stop pagkatapos sang iya night class sang gin-snatch sang isa ka lalaki ang iya cellphone.
Nakuha matuod sang lalaki ang cellphone apang ginkakibot ni Natali nga ginbalik niya ini kag nagpalagyo.
Suno sa biktima, ang phone cover ang may picture gali sang 30 anyos nga si Jin nga nagasuksok sang uniform kag naka-mask.
Posible suno sa iya nga nasal-an sang kawatan nga ang nobyo ni Natali ang myembro sang military gani nga ginkulba-an ini kag ginbalik nalang ang cellphone.
Si Jin ang nagsugod sa military service sang December 2022.
Kun ikaw ang fan ni Jin, mnay idea na ikaw kun paano makalikaw sa mga kawatan. Pero kun ang kawatan ang fan man ni Jin, pangamuyu-i nalang.
