ILOILO CITY – Liwat na naman nga ginlockdown ang pila ka bahin sang Western Visayas Medical Center matapos nagpositibo sa Coronavirus disease 2019 (COVID-19) ang nagbata nila nga pasyente.
Ang pasyente ang 42 anyos nga pasyente, residente sang Mandurriao, Iloilo City kag nagapabilin nga asymptomatic.
Sa exclusive interview sang Bombo Radyo kay Dr. Joseph Dean Nicolo, medical center chief sang Western Visayas Medical Center, iya ginpahayag nga sang Byernes, Hulyo 31, gindala sa ospital ang pasyente nga manugbata.
Bilang kabahin sang protocol, ginpaidalom ini sa nasal swab test kag nagpositibo sa COVID-19 kahapon sang udto.
Diri kag nadesisyunan ang i-lockdown ang OB Emergency Room, duha ka OB Ward kag delivery room nga nahamtang sa OB Complex ukon sa isa lang ka building.
Nagdangat naman sa 21 ang na close contact sang nasambit nga pasyente.
Samtang, limitado lang ang ginabaton nga pasyente sang nasambit nga ospital.
