Nagtipon-tipon ang pila ka mga magpamilya subong nga adlaw sa beach agud iselebrar ang Domingo sang pagkabanhaw.
Sa interview sang Bombo Radyo kay Joshua Asuncion, isa sa mga nagpaligo sa Oton Beach, iya ginpahayag nga kada tuig ginahimo nila ini agud nga maka-bonding man sa ila nga pamilya.
Suno pa sa iya nga bilang isa ka katoliko importante nga iselebrar ini nga adlaw sang pagkabanhaw kaupod ang pamilya agud mangin kumpleto kag mangin masadya ini.
Dugang pa sini nga ila gid ginapreparahan ang ini nga tion bangud nga malaka lang sila nga magkaupod nga kumpleto kag ang iban sa ila ang may trabaho naman matapos ang ini nga holiday.
