Nag- apply sa Commission on Higher Education(CHED) ang masobra lima ka mga private schools sa tertiary level sa Western Visayas nga magpataas sang ila nga tuition fee para sa school year 2022-2023.
Sa interview sang Bombo Radyo kay CHED Region 6 Director Raul Alvarez, iya ginpahayag nga indi pa niya mapahibalo sa publiko ang ini nga mga eskwlehanan samtang wala pa naaprubahan ang application.
Suno sa iya, may yara pa sang konsultasyon nga pagahimuon sa mga stakeholders sang eskwelahan kaangay nalang sang mga estudyante, alumni,kag mga ginikanan agud nga maistoryahan kun ngaa magapasaka sang tuition fee, sa diin makadto ang kwarta kag kun pila ang tuition fee increase.
Pahayag niya, kun ano man ang makasugtan, ipasa ini gilayon sa CHED bangud nga may yara sang criteria nga ginabasahen ang talatapan.
Dugang niya , indi makapinagusto ang eskwelahan sa pagpasaka sang ila nga tuition fee bangud nga ginausisa gid ini sang regional tuition fee increase committee.
Magluwas sa CHED, may yara pa gid sang siyam ukon 10 ka mga ahensya sang gobyerno nga nagalantaw kag naga- validate sang application sang eskwelahan.
