Handa na ang gobyerno sang Pilipinas sa paglunsyar sang COVID-19 vaccination sa masunod nga semana.
‘Mid-February’ ginalauman nga magaabot ang suplay sang bakuna halin sa COVAX Facility.
Suno kay Presidential Spokeperson Atty. Harry Roque, umpisahan na gid ang vaccination drive sa Pebrero 15.
Sang ginpamangkot kun eksakto nga PEBRERO 15 gid magaumpisa sang vaccination, sabat ni Roque: “If it (vaccine batch) arrives — and we only need a day or two naman to start the vaccination, we will proceed.”
Una diri, ginpahayag ni vaccine czar Secretary Carlito Galvez Jr. nga 10 million doses sang COVID-19 vaccines ang magaabot sa Pilipinas halin sa COVAX Facility sa una nga quarter sang tuig 2021 lakip na ang 117,000 doses sang Pfizer vaccine nga ginalauman naman nga magaabot sa ikatatlo nga semana sang Pebrero.
Matandaan nga una naman ginpahayag sang mga national government officials nga health workers ang pinaka-prayoridad sa bakunahan batok sa COVID-19.
As of February 8, ang pungsod ang may yara na sang 538,995 ka total confirmed cases sang coronavirus, 27,992 ang active cases, 499,772 ang reported recoveries, kag 11,231 ang reported deaths.
