Gin-athag sang Malacañang nga indi magpahilabot ang Pilipinas sa away ukon power struggle sa tunga sang Estados Unidos kag China.
Ini ang pahayag ni Presidential Spokesperson Atty Harry Roque matapos gin-akusaran sang Beijing ang Washington nga nagatuga sang gamo sa Asya.
Ang nasambit nga akusasyon sang China ang kasunod man sang pagpadulong ni US national security adviser Robert O’Brien sa Manila kag ang pagpasalig sini sa pungsod nga apinan sang Estados Unidos ang Pilipinas may kaangtanan sa West Philippine Sea dispute.
Suno kay Roque, nahibaluan ni Presidente Rodrigo Duterte ang nagataas nga tensyon sa tunga sang dalagku nga mga pungsod kag wala nagapahilabot ang Pilipinas sa sini nga mga away.
Ginpahayag ni Roque nga paagyon sang Pilipinas sa malinong nga paagi ang pagsolbar sa agaway sa West Philippine Sea nga amo man ang gina-claim sang China.
