Apat na ang kumpirmado nga kaso sang monkeypox sa Pilipinas.
Ang latest nga kaso suno sa Department of Health (DOH) ang wala sang travel history sa anuman nga pungsod nga may kumpirmado na nga nga kaso sang nasambit nga balatian.
Wala ginkumpirma kun sa diin ang lugar sang 25-anyos nga pasyente, apang ginpahayag sang ahensya nga yara ang pasyente sa isa ka isolation facility.
May natumod na nga 14 ka close contacts kag anum diri ang yara sa isolation, isa ang nagatatap sa pasyente, kag isa ang health care worker nga naga-self monitor.
Nagapadayon man ang intensive contact tracing.
Gin-athag man sang DOH nga unrelated ang apat ka mga kaso sang monkeypox sa Pilipinas.
Naka-recover na ang una nga pasyente kag nakaguwa sa isolation sang Agusto 6, samtang nagapabilin sa home isolation ang ikaduha kag ikatatlo nga pasyente.
Sa Iloilo, may nagalapta nga istorya nga may yara sang kaso sang monkeypox apang wala sang kumpirmasyon ukon statement nga ginpaguwa ang DOH Region VI. ##
