Kapin sa 600 ka mga fisherfolks kag mga stakeholders sa fisheries sector ang nagtililipon para sa pinakauna nga Philippine Small Scale Fisheries National Symposium (PSSFNS1) nga ginpatigayon sa University of the Philippines Visayas auditorium, Iloilo City.
Ini ang may tema nga “Small-scale Fisheries in the Philippines are too Big to Ignore” kag ginpangunahan sang Too Big to Ignore, isa ka research network kag knowledge mobilization partnership sa small-scale fisheries sa Pilipinas.
Sa interview sang Bombo Radyo kay Dr. Alice Ferrer, vice chancellor for academic affairs sang UP VISAYAS kag Executive director sang Too Big to Ignore, iya ginpahayag nga ang nasambit nga symposium ay nangin oportunidad agud mahatagan atensyon ang nagapanguna nga isyu sa sektor sang pagpangisda kag mga problema nga ginaatubang sang mga manugpangisda kag paano ini masolusyunan.
Nagtambong man sa event ang mga fisheries managers, scientists, policymakers, community advocates, civic organizations, non-government organizations, kag mga artists nga nagapasangkad sang kolaborasyon sa pag-explore sang sustainable practices sa fisheries sa Pilipinas.
Ini ang nag-umpisa sang Oktubre 16 kag nagtakop sang Oktubre 18.
