Dako ang paglaum sang boksidor nga si Mark Magnifico Magsayo nga mabalik na sa normal ang tanan agud makabalik na siya sa pag-ensayo.
Suno kay Mark apisar nga naka home quarantine siya subong padayon ang iya pag-ensayo sa iya balay apang mas manami kun sa gym bangud sa kumpleto ang mga equipments nga mahimo niya magamit kaangay nalang sang punching bag.
Paagi sa iya social media account, nagpanawagan ang boksidor sa gobyerno nga tugutan ang mga pribado nga gyms nga makapadayon sang operasyon.
Suno sa iya mangin dako ini nga bulig indi lang sa iya lakip man sa mga tawo nga nakadepende sa patag sang hinampang ang palangabuhian kaangay nalang sang mga atleta kag mga trainers.
