Bukas ang pamunuan sang Philippine National Police (PNP) sa separado nga imbestigasyon kaangot sa pagpatay sa National Democratic Front of the Philippines (NDF) peace consultant kag finance officer nga si Reynaldo Bocala matapos ginapahayag nagbato sa mga otoridad sa Barangay Balabag, Pavia, Iloilo.
Nagpanindugan naman si PNP Chief Gen. Guillermo Eleazar na legitimate ang nasambit nga operasyon sa diin maserbe kuntani ang mga pulis sang warrant of arrest batok sa mga suspek.
Nahibaluan nga kaupod sang PNP ang militar sa nasambit nga operasyon.
” If they want an independent probe, so be it. Bukas po ang PNP doon. Pero gaya ng sa ibang kaso, papasok ang IAS dito para magsagawa ng motu propio investigation upang alamin kung may pagkukulang ang mga operatiba,” wika ni PNP chief Eleazar.
Suno sa PNP chief, kinamatarong sang pamilya ni Bocala nga magpangayo sang seperado nga imbestigasyon.
Ginapaimbestigaran man ni Eleazar sa PNP Internal Affairs Service (IAS) ang insidente agud mahibaluan kun may kakulangan ukon pagpang-abuso ang mga pulis nga kaupod sa operasyon nga nagresulta sa kamatayon sang NDF consultant.
Ginpanginwala man ni Eleazar nga nagtanom sang ebidensya ang mga pulis.
Depensa sang PNP chief, nangin agresibo ang suspek rason nga naghimo sang tikang ang operatiba agud depensahan ang ila kaugalingon.
Ini ang kasunod man sang panawagan sang grupo nga Karapatan sang independent investigation kaangot sa insidente.
Si Bocala ang may yara sang P4.8 million nga bounty bangud sa kaso nga robbery in band with frustrated homicide and damage to property with the use of motor vehicle and unlicensed firearms, robbery with serious physical injuries kag paglapas sa Presidential Decree 1744 (destructive arson) kag murder.
Siya amo ang bana ni Maria Concepcion Concha Araneta-Bocala nga nalakip sa listahan sang mga terorista nga ginpagwa sang Anti-Terrorism Council.
Magluwas kay Bocala, patay man sa nasambit nga raid ang ginapahayag aide sini nga si Willy Epago alias Ramon nga lunsay gindeklarar nga dead on the spot.
