Nagpasaka sang kaso-administratibo ang isa ka babaye nga pulis batok sa provincial director sang Batangas bangud sa ginaalegar pagpanghurikap.
Ang tagreklamo isa ka Police Lieutenant.
Ang ginreklamo amo si Police Col. Marlon Ventura Rufo,director sang Batangas Provincial Police Office.
Kaso nga grave misconduct kag conduct unbecoming of a police officer ang gin-file sang amo nga policewoman.
Gin-alegar sang tagreklamo nga ginhurikap sang provincial director ang pribado nga parte sang lawas sini, ginhalukan sa liog, kag gindilapan sa dulunggan.
Natabo ini sa opisina sang director.
Nasundan pa gid ini kun sa diin gin-alegar nga ginmolestiya pa gid ini ni Rufo sa sulod sang salakyan.
Bangud sa kahadlok kag trauma, wala na nagasulod sa opisina ang tagreklamo tubtob nangisog nga magpasaka sang reklamo.
