Nagpanawagan si Pope Leo XIV sa mga Katoliko nga himuon gid nga prayoridad ang pagtambong sa misa kun Domingo.
Ginpagwa sini ang apelar sa iya nga address sa general audience sa Vatican kun sa diin ginpadayon sini ang catechesis sa constitution sang liturhiya sang Second Vatican Council nga Sacrosanctum Concilium.
Ginpahangop sini sa mga tumuluo nga indi mahimo nga bayluhan sang virtual gatherings ang aktibo nga pagpakigbahin sa Balaan nga Misa.
Suno sa Santo Papa, dapat maninguha gid nga makakita sang kahigayunan nga makatambong sa Misa kada Domingo lakip na ang mga indi makapangayo sang time off sa ila trabaho.
“I urge everyone to seek the best possible conditions so that even those who are unable to take time off work on Sundays may take part in Holy Mass,” suno kay Pope Leo XIV.
Ginpahanumdom man sini ang paglaragway ni Saint John Paul II sa Domingo bilang “weekly Easter” kag “day of the Lord” ukon adlaw sang Ginoo.
Suno man sa iya, ang Domingo amo ang tion para sa mga Kristiyano nga mamati sa Pulong sang Dios, magbaton sang lawas ni Kristo kag magtipon bilang isa ka komunidad.
“The liturgical year should thus be understood as a constant renewal of the work of salvation which Christ accomplishes in history,” suno sa Pope. “As she journeys through this temporal cycle, the Church remains in contact with the Lord’s redemptive action, so that all the faithful may be filled with his grace.”
Gindugang sang Santo Papa nga importante ang aktuwal nga pagkadto sang mga tumuluo bangud diri makita ang ila pagpakig-isa sa Ginoo kag katutom kay Kristo kag sa Simbahan.
Ginpangahop man niya nga indi mahimo nga ipaagi lang sa online ukon virtual presence lamang ang pagtambong sang mga tumuluo kag indi man ini dapat mangin isa lamang ka passive gathering.
“To sanctify Sunday, it is essential to celebrate the Eucharist,” suno pa kay Pope. “This assembly cannot be substituted by a solely virtual presence, nor can it be reduced to a merely passive gathering.”
“The liturgical assembly is in fact fulfilled through the active participation of brothers and sisters,” dugang niya.
Nahibaluan nga sa Vatican sang nagligad, ginhiwat sa sulod sang St. Peter’s Basilica ang general audience ni Pope Leo sang Agosto 5 kag Agosto 14 bangud sa tuman nga init sa Roma.#
